Minceur Intensive : Shaping Gel from Yves Rocher
Minceur intensive - bums and tums shaping gel from yves rocher.
ماينكور انتنسيف بمز آند تمز شيبينق جل من إيف روشيه.. جل نحت الخصر بخلاصة زهرة اللوتس والكافيين وحاجة ثالثة نسيتها.. بصراحة ما أصدق هالمنتجات ولا فكرت أجربها و بالنسبة لي الرشاقة طريقها واحد غذاء صحي و رياضة.. شفت هالمستحضر وهو فرد من مجموعة وماكان في بالي أبدا أشتريه لين قالت لي البائعة اعتبريه محفز مع الرياضة
.. قرأت الدسكربشن ورا مكتوب أنه يستخدم مرتين في اليوم صباح ومساء لمدة شهر على البطن والخصر والأرداف وينقص حتى 24 سم من قياس الخصر.. صراحة حسيتها شطحة قوية من الشركة وش اللي 24 سم؟.. رقعها عندي أن كل تجاربي مع مستحضراتهم ناجحة تقريبا وماواجهت أي مشاكل.. فقررت آخذ هذا فقط (باقي المجموعة عبارة عن جل لشد الجسم و جل الصدر و التحكم بالسليولايت وحاجات كذا)
سعره بحدود 150 ريال يقل أو يزيد شوي..
المهم قلت أجربه.. أخذت قياسات جسمي و بلشت فيه أول كم يوم كنت أستخدم يدي بعدين قلت وش يضر لو أستخدمه مع جهاز التدليك اللي عندي (على شكل ذراع طويلة رأسها دائري له قطع تتركب) ..
قوام الجل خفيف لونه يميل للبياض بسرعة يجف .. يحتاج في البداية أعرف الكمية اللي أحطها ﻷنها لو حطيت كثير يتكتل وتصير زي الخيوط الجافة..
الحق أني في بعض الأيام ما أحطه وبعض الأيام مره وحده وبعض الأيام ما أستخدم الجهاز.. لكن البارح صار لي ثلاث أسابيع استخدمه أخذت قياسات جسمي مره ثانية انصدمت ان قياس الخصر أقل بخمسة سم تقريبا و الوسط ثلاثة سم.. وحتى أكون صريحة لي فترة ما عندي فرصة آخذ وقتي في الرياضة خصوصا الايروبك والكارديو وأكتفي بالمشي و أثقال فقط
اللي مافهمته في الموضوع أني وزنت وطلعت ناقصة كيلو إلا ربع بس! مدري كيف أحسبها.. جربت أقيس بنطلون قديم عندي أيام قياس 8 و 10 قبل حملي ما أقول صارت مقاسي لكن فيه أمل تصير قريب..
وطبعا و أكيد هللت واستبشرت وتحمست ألتزم فيه..
طبعا هذي تجربتي وتخصني وناسبني المنتج..مش بالضرورة اللي يناسبني يناسبكم..
فتكم بعافية ♥
0 التعليقات