الطلب من موقع دريس لينك الصيني + مشترياتي / How to order from Dresslink + shopping haul

by - الأربعاء, فبراير 17, 2016

السلام عليكم..
الموضوع تأخر شوي فعذرا منكم..
خلال الفترة الماضية.. كان فيه عروض في أغلب المواقع بمناسبة الجمعة السوداء و التسوق عن بعد (البلاك فرايدي و السايبر شوبنق)..
يستغل معظم الناس هاليومين للتسوق وتحقيق الاستفادة من التخفيضات والعروض المقدمة..
طلبت شخصيا من كذا موقع لكن بتكلم عن موقع دريس لينك الصيني اللي طلبت منه ملابس واستعرضتها معكم على السناب شات.. 
الآن بتكلم عن طريقة الطلب..

1- الموقع dresslink.com ويستلزم التسجيل فيه.. التسجيل سهل جدا مجرد البريد الالكتروني و كلمة سر من اختياركم..

لتغيير اللغة.. 



2- بامكانكم الاختيار من القوائم (الأفضل مبيعا best selling - عروض خاصة special offers - جديد new in)..


(الضغط على الصور لتكبيرها )

اخترت الأفضل مبيعا بسبب ميزة في الموقع (مقارنة بمواقع صيني أخرى) الموقع يعرض القطع الأفضل مبيعا مع تقييم الناس وآراءهم وصورهم الخاصة للمنتج.. هالشي يعطيك تصور مسبق عن مشكلة المنتج أو جودته بشكل عام..


3- لما تفتحون على قطعة..يظهر لكم الألوان والمقاسات وتوفرها..ثم المقاسات بالسم و بالإنش. والأفضل تعتمدون عليها بهالطريقة لأن القياسات الصينية صغيرة.. أنا مثلا في اتش آند إم مقاسي سمول لكن في زارا لارج.. فحتى لا تتوهقون قيسوا باستخدام متر القياس وشوفوا يطابق أي حرف s,m,l,xl ..
غالبا وأغلب من يطلبون منه يذكرون أنهم أخذوا مقاسين أكبر.. شخصيا كل قطعي اخترتها L, XLو بعضها XXL ..
وتلاقون صور أكثر للمنتج من كل الجهات..



وهذا شكل جدول المقاسات ..


4- بعد كذا اختاروا costumer reviews وراح يعرض تقييم الناس بناء على ثلاث محاور الأسعار و الجودة والخدمة .. 

5- هذي صور بعض القطع اللي اخترتها:

تنورة جلد خصر عالي ( هاي ويست) وقعت في غرامها.. جودتها عالية جدا، مبطنة حتى ماتضايقك وتلزق فيك.. دافية تماما ولونها جميل.. سعرها وقت ما أخذتها في العرض 9 ريال تقريبا (اضغطوا على الصور للتكبير) 





بلوزة رائعة.. حبيتها وصدمتني جودتها.. الأكمام دانتيل ثقيل و الصدر قطن مخلوط .. القطعة كاجول مميزة.. وسعرها تقريبا 28 ريال.





تيشيرت القهوة أولا و تيشيرت هايزنبرق.. ماعليهم أي كلام.. جودتهم ممتازة والخياطة نظيفة والطباعة راقية وتستحق أكثر من سعرها..
أسعارها تقريبا بين الـ13 ريال و الـ23 ريال 







جاكيت جلد صناعي..بصراحة تفاجأت فيه..جودته نفس المتوفرة في أغلب المحلات (new look, f&f, lindex, centrepoint..) مايفرق عنها أبد.. طلع المقاس مضبوط علي وراكز .. سعره 27 ريال أو 34 ريال ما أتذكر بالضبط





كارديقان صوفي كم حاير .. جودته ممتازه و قصته على الموضة.. سعره تقريبا 30 ريال ..





أخذت تقريبا 20 قطعة .. قطعتين منهم طلعت مو مضبوطة .. الأول بنطلون قطني بس طلع جدا صغير رغم أني ماخذه XL .. بس هذي مشكلة القياسات الصينية أنها جدا صغيرة .. والقطعة الثانية قميص جينز مخلوط بقطن .. طلعت مشكلته أكمامه قصيرة وضيقة ماتتقفل لكن الصدر تمام ... فصرت ألبسه تحت السترات الصوفية وأطلع الياقة على برا بدون لا تبين الأكمام أو أقفلها وطلعت مرتبة ولا بأس فيها .. انقهرت عليها لأن خامتها حلوة وغريبة شوي...
فلا تطلبون إلا بعد ما تاخذون قياساتكم وتشوفون جدول القياسات وتجنبا طلب البناطيل أو الجينزات يكون أفضل..

6- بعد ما نخلص نتوجه لسلة التسوق.. وراح يظهر لكم القطع اللي اخترتوها مع تفاصيل المقاس واللون..


7- اختيار الخروج والدفع checking out ..

تظهر لكم البيانات اللي لازم تعبونها... كلها ضرورية 



8- طريقة الشحن ..

فيه شحن عن طريق البريد الصيني .. وبصراحة يطول رغم أنه يطول لكن رخيص ..أنا اخترت آراميكس لكن لهم كم أسبوع حدثوا موقعهم فصار فيدكس (سمسا) بدل آراميكس .. 
واضح في الصورة عدد الأيام تقريبي .. و تكلفة الشحن.



9- طريقة الدفع ..
اخترت الفيزا .. متوفرة كل طرق الدفع العالمية 
ندخل بيانات الفيزا الصحيحة مثل ماهي على البطاقة ..
على اليسار فيه مكتوب order number .. وهو رقم الطلب..
بعد اتمام الدفع .. يفترض بعد يومين توصلك رسالة برقم الشحنة في آراميكس أو فيدكس و تتبعها من الموقع ..



طلبي أخذ 7 أيام بالضبط ووصلوها لي لباب البيت ..

الموقع يستحق التجربة و أسعاره جدا مناسبة ..صحيح الشحن بيكلفك لكن يظل فيه فرق أفضل من السوق .. الـ20 قطعة كلفتني مع شحنهم 507 ريال بالضبط !








You May Also Like

48 التعليقات

  1. اختي انا طلبت ونسيت اسوي طود الخصم عادي ارجع اعدل
    ؟

    ردحذف
    الردود
    1. للأسف لا .. إذا كان بعد إتمام الدفع ما ينفع ..

      حذف
  2. اسمعي انا وزني ٦٣ وطولي ١٦٠ يعني اخد L صح!؟

    ردحذف
    الردود
    1. الأفضل XL.. أنا وزني 58 وL طلع ضيق علي

      حذف
  3. كيف احول اللغه من صيني الى عربي لو سمحتي

    ردحذف
    الردود
    1. في واجهة الموقع تلاقين كلمة ( عربي ) واضحة في الزاوية فوق يمين ..

      حذف
  4. التوصيل لباب البيت؟

    ردحذف
  5. طيب فيه تجميع للاغراض مرة واحدة والا كل قطعة لوحدها

    ردحذف
    الردود
    1. كل القطع تجيك في باكج واحد في غضون أسبوع

      حذف
    2. كل القطع تجيك في باكج واحد في غضون أسبوع

      حذف
  6. كم مدة التوصيل كم ياخذ اسبوع ؟

    ردحذف
  7. ينفع تساعدين بالتحويل ماعرفت وربي

    ردحذف
  8. ينفع تساعدين بالتحويل مافهمت

    ردحذف
    الردود
    1. شيكي تحديث الموضوع.. أضفت اللغة

      حذف
  9. ايش حكايه كود الخصم ؟؟

    ردحذف
    الردود
    1. أحيانا في المواسم يكون في عرض على الصفحة الرئيسية مع كود خصم مابين 10% إلى 25%

      حذف
  10. ممكن تعطيني رقم التواصل معهم لان طلبي طلبته عن طريق ارامس وبرقم التتبع ومر عليه اسبوع ومااعطوني رقم التتبع

    ردحذف
    الردود
    1. عزيزتي عندهم خدمة الشات المباشر .. لما تسجلين دخولك تلاقن النافذة تحت على اليمين .. غالبا رقم التتبع يجيك على الإيميل أو تطلعينه من حسابك تروحين للأوردرز وتشيكين الحالة هل هي معلقة أو تم الشحن.

      حذف
    2. كلمتهم بالايميل وقالوا لي ان تم الغاء طلبي ابي اتواصل معهم هل بيرجعون لي مبلغي او كيف لان انا ما اعيت اي امر بالغاء الطلب وفي الموقع يجيني ان حاله الشحنه معالجه ماعندهم رقم اتصل عليهم واتواصل معهم؟

      حذف
    3. ما أعرف وش المشكلة .. يمكن طلبتي قطع مخلصة ..

      المهم .. تحت في الأخير مكتوب contact us .. لقيت هالأرقام فيها .. فرع آسيا وفرع أوروبا وأمريكا ..

      Orders Service:
      We provide email service and telephone service.You can contact us by
      Email:service@dresslink.com
      Tel: 86-775-89619973
      operation hours – 9am to 6pm
      After operation hours, please contact
      or (+4915221508097) European Contact Number or (626-333-3918) US Contact Number
      operation hours – 9am to 6pm CET office hours
      Address in EU - Werner-Siemens-Str.63 22113,Hamburg,Germany
      Address in US (warehouse/logistic) - 16518 E. Gale Ave. City of Industry, CA 91745

      حذف
  11. هل فيه الدفع عند الاستلام

    ردحذف
  12. انا ما عندي فيزا عندي بطاقة راجحي عادية كيف ممكن ادفع؟ مع العلم اني مقدر اروح البنك؟

    ردحذف
    الردود
    1. للأسف لا .. لكن ممكن لو تزورين فرع البنك وتاخذين بطاقة فيزا مسبقة الدفع ..ويصير كل ما حبيتي تشترين من النت تحولين لها الفلوس وتدفعين عن طريقها.

      حذف
  13. اختي انا طلبت لي اسبوع وحالة الطلب معلقه ومو عارفه المشكله وين وشات اون لاين ما يفتح وياي شنو الحل

    ردحذف
    الردود
    1. أهلين حبيبتي.. ما أعرف وش المشكلة والله لأن فيه أخت ثانية في التعليقات فوق عندها نفس المشكلة وحطيت لها أرقام التواصل..
      ممكن يكون ضغط عالموقع لأن فيه عروض خاصة لأمريكا .. الله أعلم
      جربي اتصلي عليهم أو تواصلي معهم على الإيميل ..

      حذف
  14. اللي له اوردر يشغلهم بالرسايل ويرفق رقم الاوردر ويبلغهم ليش معلق واذا لم تتم العمليه خلال شهر لا بد من العميل يتصل على البنك الصادره منه قبل نهاية الشهر حتى يرجع المبلغ

    ردحذف
  15. Dear,thanks for your letter and interest.
    but dear,what can i do for you?
    please tell me detail problem.so that i can help you solve it.
    as you know,there are different daily time,so we only can promise reply to you within 24 hours except weekend and holiday.wait your reply.
    Have a nice day!
    Yours Sincerely,
    Alice
    Customer Service Department
    هذا ردهم لي وبعد 24 ساعه تم معاجلة الاوردر

    ردحذف
  16. Transaction ID: 5sm1x75k Processing Successed By Ipn.
    العناصر: وهذه علمية التجهيز وارسالها الى الشحن

    ردحذف
  17. لية الشحن غالي اوي طب انا هستفاد اية لما اشتري من النت ارجو الرد انا مش عارفه اشتري بسبب الشحن

    ردحذف
    الردود
    1. الشحن غالي لأنها تشحن طيران أسرع من المواقع الصينية الأخرى اللي تشحن عن طريق البحر .. فراح توصلك الطلبية في أسبوع أو عشرة أيام جو.. أ,20 إلى 25 يوم بحر

      حذف
  18. طيب بالنسبة للكوبون الي يعطيني اياه الموقع ، ينفع اشتري فيه بدون ما ادفع شي من الفيزا ؟؟

    ردحذف
  19. بالنسبة Cash Coupon الي يعطيني إياه الموقع عادي أطلب مشترياتي بفلوس هذا الكوبون ولا يسويلي خصم بس ولازم ادفع بالفيزا ؟؟؟!

    ردحذف
    الردود
    1. إذا المرة الأولى تتسوقين فهو خصم.. لكن كل مره تطلبين بيعطيك كود يزيد الخصم..

      حذف
  20. كيف ارامكس قبلوا يشحنوا لك 20 قطعة ؟؟
    انا 15 قطعة رفضوا

    ردحذف
    الردود
    1. يقبلون حسب الوزن الكلي مش عدد القطع.. بعض القطع اللي أخذتها كانت ملابس داخليه واشباهها خفيفة جدا.

      حذف
    2. طيب لو شحنت عبر البريد الصيني
      برقم تتبع تتوقعي كم يوم وتوصل ؟؟؟؟؟
      او ممكن تضيع عليا لاني ناوية اطلب قطع كثيرة ؟؟
      واول مرا اجرب

      حذف
    3. البريد الصيني هو البريد الحكومي العادي ولما توصل يحطونها عند البريد السعودي.. وبصراحة ماعندي فكرة لكن بالعادة يعطونك الفترة التقريبية كم .. وعلى الغالب بتكون 20 يوم إلى شهر ..ماجربت شخصيا لكن أعرف اللي جربوا البريد الصيني من مواقع ثانية وأخذ فوق الشهر..

      حذف
  21. السلام عليكم ..
    حبيبتي الحين لما طلبت منه ما صار فيه فيديكس صار عبر البحر ومع رقم الششحنة او لا .؟
    وانا حابة اطلب بي خايفه شوي :"(
    وقلت اسالك عن رايك واذا طلبتي من قبل عن طريق البحر او لا

    ردحذف
    الردود
    1. أغلب المواقع الصينية تشحن عن طريق البحر .. ماجربتها لأنها تطول وأفقد حماسي ..لكن بعض التاجرات يعتمدوها وتاخذ الشحنة من 21 يوم إلى 40 يوم.

      حذف
  22. السلام عليكم
    رقم المنتج وين ادخله علشان تطلع البضاعه اللي ابغاها؟

    ردحذف
  23. الشحن مباشرللسعودية؟ و عندهم خاصية التجميع؟

    ردحذف
  24. السلام عليكم لو سمحتي أنا طلبت وعند الدفع سحبو كل المبلغ اللي في الفيزا زيادة علئ حقهم أخذو ٧٦ ريال عادي كذا والا اتواصل معاهم يرجعوها

    ردحذف
  25. لو سمحتي انا بدي اشتري عن طريق الحوالة المصرفية بس وين لازم ادفعها انا بلبنان وشو الطريقة وفي شي رسوم اضافية؟
    ؟

    ردحذف
  26. الحين كل مازاد عدد القطع يقل سعر الشحن ولا سعر الشحن ثابت

    ردحذف