وصفات الحلوم المفضلة / Halloumi cheese fav. easy recipes
أسعد الله أوقاتكم..
الحلوم من الأجبان المفضلة عندي شخصيا .. أحب قوامها وأحب فكرة أنها ممكن تشوى أو تؤكل مثل ما هي .. تضاف للخضار والفاكهة و البيض والمكسرات على حد سواء ..
الوصفات اللي راح أذكرها هي الوصفات المفضلة بالنسبة لي ..سهلة جدا تناسب الفطور أو كسناك صحي ..
أنواع جبنة حلومي اللي أفضلها .. شركة السنبلة كاملة الدسم أو كريستيس شرائح قليلة الدسم ..
جبنة حلومي من السنبلة قوامها نظيف ومتماسك ما تتكسر وقت التقطيع و تتمدد زي الموزاريلا وقت التسخين والشوي.
1- الطريقة الأولى :
حلومي شرائح + صوص الزنجبيل والسمسم (صفر كالوريز من Iherb ) + ريحان مجفف + زعتر بري ( أوريغانو ) مجفف
هذا الصوص ..
2- الطريقة الثانية :
حلومي شرائح + فراولة شرائح + أوراق نعناع طازج
3- الطريقة الثالثة :
حلومي شرائح + بيض مخفوق + أعشاب مجففة + متبل الثوم ( اختياري ) ... الكميات تكفي شخصين إلى ثلاثة أشخاص
صورة مقربة ...
نحمي المقلاة ونبخ شوي زيت .. نضيف شرائح الحلومي ونصب فوقها مباشرة البيض المخفوق ..
نحرص أنها ما تحترق .. بمجرد ما تتماسك نشيلها و نرش عليها الأعشاب المجففة ... ندخلها في الفرن و تكون النار فوق عشان تستوي بشكل كامل ..
تقطع شرائح وعلى التوست نضيف متبل الثوم لو حابينه .
4- الطريقة الرابعة :
سهلة جدا وسريعة و سناك صحي ممتاز .. حلومي مكعبات + لوز نيء + فراولة مقطعة أرباع .. ممكن تضيفون عسل أو بذور شيا أو أي أنواع أخرى من المكسرات
بالعافية عليكم ...
2 التعليقات
حبيت الوصفات يعطيكي العافية فوز عندي نصيحة ياليت ماتزعجك 🙈 حسني من تصويرك 🙈 مواضيعك حلوة بس الصور ظالمتك
ردحذفالله يعافيك حبيبتي ..
حذفماتزعجني النصيحة بالعكس .. كلامك صحيح ..ولا أزال أحاول أطور من تصويري وأتعلم .. مقارنة بقبل سنة فيه تحسن كبير .. وأكيد أطمح السنة الجاية للأفضل إن شاء الله