جداول تمرين للمبتدئين

by - الأربعاء, يونيو 19, 2019

السلام عليكم ..
الجداول المرفقة في الرابط في نهاية التدوينة 
بناء على طلب نسبة كبيرة من المبتدئات أو الراغبات في البدء في التمرين لكن مو عارفين كيف أو وشلون ..






ثلاث جداول فقط، مبسطة تشمل العضلات الرئيسية للي ما عندهم وقت أو كسولين .. 
أتوقع ثلاث أيام في الأسبوع هذا أضعف الإيمان 😊
والمتحمسين ممكن يطبقون الجدول مرتين في الأسبوع
ثلاث أيام تمرين ويوم راحة ثم ثلاث تمرين 
الأهم من عدد الأيام هو الاستمرارية .. 
ثلاث أيام تستمرين عليها طول السنة أفضل من ستة أيام و بعد شهرين تتعبين و توقفين ..
ممكن تخلي أسبوع ثلاث أيام وأسبوع ست أيام ..




فيه أدوات ضروري تكون متوفرة لأن ما ينفع التمرين بدونها مثل الباندات 

Sports Research, Mini Loop Bands, 5 Loop Bands



اللي عندي نفس هذي ، ماخذتها من آيهيرب  بخمس مستويات مقاومة ..
دمبلز ( أوزان ) مو أقل من كيلو ونص .. لك حرية الاختيار لو أكثر 
الكرة السويسرية .. تعوضك عن البنش و مرنة تدعم الظهر و الجلسة ..
وهذي تدوينة سابقة فيها شرح العضلات والأدوات 







الجزء الأهم والمكمل للتمرين هو التغذية..

أنك تتمرنين و ما تعدلين نظام أكلك ، ماراح تشوفين نتيجة للتمارين أو بتكون النتائج بطيئة ..
في انستقرامي أحط وجباتي في هاشتاق 
#وجبات_فوز 
يعطيكم فكرة عن أكلي أنا شخصياً و كيف تعدلون على وجباتكم ..
سواء في طريقة الطبخ أو الكميات..




أخيراً ..

التسخين قبل التمرين مهم ..
ممكن تمشون قبل التمرين نص ساعة ..
وممكن تطبقون التمرين نفسه بإيقاع سريع يكون
pre - set
to failure 



يعني عدد تكرارات مفتوح إلى أن تسخن العضلة و تحسين بتعب ..
فلو بتسوين سكوات مثلاً .. اعملي جولة سكوات سريعة في البداية إلى أن تتعبين بعدها ارتاحي بلشي تمرين وعد..
خياري الشخصي هو سكوات مع 
jumping jacks 
لما أكون مستعجلة عشان أبدأ ..
مددي دائمي عضلاتك ( سترتش ) سواء قبل التمرين أو بعده 




الجداول للفائدة و التمارين غير محصورة أكيد باللي حطيته 

مجرد اجتهاد أتمنى تستفيدون منها
مره سهلة وبسيطة وماتخوف
و إن شاء الله مستقبلاً ممكن أضيف جداول لمستويات أعلى 


رابط التحميل فيه ثلاث ملفات ..

احفظوا الملف حتى يظهر عندكم بالتنسيق الصحيح أو استخدموا قوقل الملفات للعرض الكامل

لا تنسوا تشاركوني ملاحظاتكم و تجاربكم 💗

You May Also Like

2 التعليقات

  1. شكرا على المجهودات لكن ملف التحميل غير موجود

    ردحذف
  2. مدونتك حلوه ليش ما تدخلين في التسويق بالعموله ؟

    ردحذف