Apple-Oatmeal Muffins / مافن التفاح بالشوفان
وصفة المافن هذي معتمدتها من زمان.. واطبقها من فترة لفترة أحيانا مع تفاح وقرفة وأحيانا مع موز و مكسرات..
مع الاعتياد حفظت المقادير وصرت أقيسها بالنظر.. فراح أحط لكم مقادير تقريبية تكفي 8 إلى 10 قطع مافن.. لو تحبوا أكثر ضاعفوا المقادير..
المقادير: (بحرارة الغرفة)
تفاحة مبشورة
كوب 1 شوفان (أكواب معيارية)
نص كوب دقيق أبيض
فنجان قهوة سكر أسمر (ولو أبيض مو مشكلة)
فنجان قهوة حليب سايل (ويمكن الزيادة لاحقا لو طلع الخليط ثقيل)
نص فنجان قهوة زيت
بيضة وحدة
ملعقة كبيرة قرفة
ملعقة صغيرة بيكنق باودر
ملعقة صغيرة بيكربونات الصوديوم
ملعقة صغيرة فانيلا سايل أو سكر
رسة ملح خفيفة..
تضاف قطع الشوكولاتة حسب الرغبة.. وإضافتها تغري الأطفال بأكلها..
يسخن الفرن مسبقا على حرارة 180 (فرني صغير ومصدر الحرارة قريب للصينية فأحطه 150)..
تخلط جميع المقادير و توزع في أكواب المافن..
تدخل الفرن وتقريبا تاخذ نص ساعة أو ساعة إلا ربع.. كل ما كانت الحرارة أروق كان أفضل..
تترك حتى تبرد ساعة تقريبا ..
وصحة وعافية
0 التعليقات