الحواجب .. وما أدراك ما الحواجب
أكثر شي يبدعون فيه البنات ..
وأكثر شي يبين شكلك ومكياجك Fake أو لأ ..
أحيانا البنت تكون ملامحها ناعمة ومكياجها ناعم لكن الحواجب عالم ثاني.. حادة وغامقة كنها معصبة 
وأحيانا العكس.. مكياج سهرة و ألوان غامقة .. والحواجب مشوهبة و باهته وخفيفة...

الآن الكل يعرف ويقول .. مكياج الليل والسهرة ثقيل و مكياج النهار ناعم ..
المشكلة مفهوم الناعم والثقيل يختلف من بنت لبنت ... تلاقون البنت طبقات المكياج كاملة الصبح وهي رايحة للجامعة أو للدوام و كحل والروج و تقول مكياجها ناعم! و العكس .. وحدة تحط ماسكارا وغلوس و تقول تعبت بشرتي من المكياج !؟ وإلغاء تماما لقاعدة لكل مقام مقال ومكياج!

نفس الشي بالنسبة للحواجب .. اللي هي جزء من المكياج ومظهر البنت ككل .
أنا ضد موضة الحواجب والرسمات العجيبة اللي نشوفها الآن ..
إذا رسمتيها غلط..ممكن تبينك معصبة أو مغرورة أو تعبانة أو كئيبة أو مهملة .. أو.. أو..


النصيحة الأولى:  

فيه قاعدة عامة لرسم الحاجب.. دائما يقولون الحواجب تبدأ من زاوية الأنف .. الخط A في الصورة


القاعدة نسبية .. مو للكل..
القاعدة الصحيحة اللي تنطبق على الكل هي كيف تحبين المظهر النهائي للأنف؟ 
يعني إذا خشمك ما شاء الله صغير ودقيق لو رسمتي حواجبك بالقاعدة هذي راح تصير قريبة من بعضها و بيطلع خشمك أصغر و ووجهك ضيق.. والعكس صحيح أيضا ، لو خشمك أفطس وكبير ورسمتي حواجبك بنفس الطريقة راح تبدا حواجبك من نص العين و يبين الخشم أعرض و الوجه أوسع .. 
إذا خشمك كبير قربي حواجبك شوي لبعضها حتى تخلقين خدعة تبين وجهك وخشمك أصغر ..و إذا خشمك صغير ودقيق وسعي المسافة بين الحواجب حتى تبين وجهك أوسع و خشمك أكبر ..

النصيحة الثانية
لما تبدين ترسمين الحاجب.. سواء بالقلم أو بالشدو أو بالجل .. (أنا أتجنب الجل لأنه مع الوقت يطيح الشعر)
المفروض والطبيعي أن بداية الحاجب ( الزاوية الداخلية ) تكون ناعمة وشعراتها واضحة.. تجنبي الأشكال الهندسية تماما طالعة كأنك راسمة حواجبك بمسطرة ..

مافيه أحلى من الطبيعة و خلقة ربي ..ليش تهولين بعمرك .. بعض البنات والله كأنه حواجبها ملصقتها تلصيق من كثر ما شكلها صناعي و لاعبة فيها ..


شفتوا الفرق؟


النصيحة الثالثة
التعبئة.. تجنبي التعبئة الغامقة أو المطموسة طمس .. تخلي الناس أو ما تلتفت ليك تناظر حواجبك ..


إذا شعرك غامق المفروض الحواجب أفتح بدرجة أو درجتين وإذا شعرك فاتح المفروض الحواجب أغمق بدرجة أو درجتين..
انتبهوا للون الشعر مع الحاجب ..



النصيحة الرابعة
تجنبي الموضة واتبعي اللي يناسبك..
الحواجب المشطوفة، اليابانية، الطويلة، الرفيعة، ثمانية.. وغيرها ...والله حرام ومهازل.. 
تخيلوا مثلا نزلت بلوزة في السوق ومافيه منها إلا موديل واحد مقاس واحد .. هل تتوقعون تناسب كل الأجسام و المقاسات والأحجام والفئات العمرية؟ طبيعي لأ .. لأن لكل أنثى شخصيتها و رسمة وجهها وعيونها اللي تخليها مميزة ومختلفة ..
الحواجب مو من الأشياء اللي تطبق على كل الناس زي اليونيفورم ..

من البدع اللي نشوفها..
 كلها فاااشلة ...وغلط ..
الحاجب ما يكون كله مقوس ولا يكون كله مستقيم ولا يكون نص حاجب بس طاير على فوق ولا يكون طويل لتحت زاوية العين الخارجية ..  

طريقة رسم الحاجب المثالية:



أمثلة لحواجب سيئة :

 حليمة بولند : الصورة كلها حواجب طامستها طمس بالأسود !
مايا دياب : في البداية كانت حواجبها جميلة و عرضها مقبول، الآن صاير شكلها وسخ من كثر ماهي معرضتها !
ليلى عبدالله : المفروض تبعد حواجبها شوي عن بعض وتطولها .. صايره كنها نص حاجب!
إلهام الفضالة : ألغت الجزء الثاني من الحاجب فصار طاير وهذا يعطيها شكل المعصبة وسترستد طول الوقت!


أمثلة لحواجب جميلة :



هيا عبد السلام : واضح أن حواجبها طبيعية، مجرد غمقتها بس.
بثينة الرئيسي : ملامحها عربية ولا تناسبها شطحات وموضات الحواجب .. وبرافو عليها تعرف لنفسها.
مريام فارس: برضو حواجبها طبيعية مجرد نظفتها وعادت عليها الرسم بس.
قمر : حواجبها عريضة بشكل جميل ومقبول وناعم .. حبيتها كثير أكثر من مايا دياب
نهى نبيل : نهى تغيرت كثير وصايرة جميلة وتعرف لنفسها .. حواجبها في الصورة مرتبة .
نوال الزغبي : من طلعت على الدنيا و أنا أشوف نوال الزغبي .. ولا أذكر غيرت رسمة حواجبها ومع هذا جميلة ومناسبتها.
سيرين : الجميل في حواجب سيرين أنها طبيعية .. هي بطبيعتها كذا استقامتها ونعومتها .. عندي صورة إعلان عطر في مجلة قبل 7 سنوات .. وللآن شكل حواجبها نفسه ماتغير .. وأحترم الفنانة اللي تحترم شكلها ...أهم شي لا تعرضهم كثير..!