لكل بنت قطع أساسية في دولابها بناء على احتياجاتها ( جسمها، عملها أو دراستها، ميزانيتها.....) هذا لا يلغي وجود أشياء مشتركة بين الجميع، سواء لون أو قصة...
بتكلم عن قطعي الأساسية اللي ما أستغني عنها في دولابي:
1- فستان أسود:
الفستان الأسود وقت الزنقات والحيرة، يكون أفضل خيار، غير عن أن اللون الأسود يجمل الجسم..
اختاري فستان أسود بقصة مناسبة لك و اعتمديه للطوارئ.
2- بوي فريند جينز:
البوي فريند جينز قطعة تكسر رسمية أي لوك أو طلة.. كاجوال ومريح ويناسب أغلب الأجسام.
3- جيقينق:
يكون جينز استرتش سكيني، أريح من السكيني التقليدي وعملي كثير، ممكن تكرفينه بكذا طريقة.
4- قميص أبيض:
سواء كان كم طويل أو قصير، بيريحك من التفكير والتعقيد.. مجرد ما تلبسينه مع بوي فريند جينز أو جيقينق و تنسقين معه كعب لون صارخ و عقد ستيتمنت.. طلتك تكون متكاملة!
5- بلازر أو جاكيت:
يكون أسود أو نيود أو أبيض... وراح يمشي مع كل كل شي تقريبا.
6- تنورة سودا أو رمادية:
7- بلوزة جينز:
من الموضات اللي حبيتها لأنها تقريبا تمشي مع كل شي.
8- كعب نيود أو أسود أو جملي:
النيود يعطي طول للساق ويمشي تقريبا مع كل شي..
9- عقد ستيتمنت أو طويل حسب طول رقبتك:
إذا ما تحبين تكثيرن عقود وتخزنينها، اشتري فضي أو ذهبي و اعتمديه.
10- قطعة استثنائية:
القطعة الاستثنائية هي قطعة مميزة تعرفين انك لما بتضيفينها لأي لوك، راح تغيره تماما.. مثلا تحبين الطبعات ونقوش جلود الحيوانات، خلي عندك قطعة مثلا اسكارف تضيفينها...تحبين الترتر والقليتر واللمعة.. برضوا خلي عندك قطعة.. مثل حزام سخيف ترتر أو كعب قليتر..الألوان الفسفورية..تحبين الجلد.. جربي اعتمدي صدرية ( فيست ) جلد بلون جملي مثلا أو بيج و ضيفيها للبسك...
انتي وذوقك...
1 التعليقات
يعطيك العافيه فوز
ردحذف